MUME WANGU ANATABIA YAKUTEMBEA NA MAHOUSEGIRL WANGU- JE NIWE NAWAWEKA WAZI JUU YA TABIA YAKE KABLA??

Anayo tabia hiyo, mimi binafsi imeniumieza sana na kunifanya naiona hali ya kawaida tu,

Maana kila anaekuja anaondoka kwa sababu hizo hizo, mwanzoni sikuwa nilikuwa naumisa sana, nikawa naondoka moja kwa moja kwetu, ananifata narudi, kwa ajili ya watoto wangu tu!,

Kuna kipindi alimpa mimba housegirl wangu huyo alikuwa ni watano, nililia sana, maana kuna jirani yangu yeye ni nesi, ndio alieniambia kwamba nimchunguze, mimi kutwa nipo kazini, narudi usiku na watoto wanakuwa wamelala

Yeye huwa anawahi kurudi, basi kumbe ule mchezo wanaufanya kipindi ambacho sipo, basi nilipoanza kumchunguza kweli nikaona maziwa yanamjaa na anapendeza sana, ila kazi anafanya kama kawaida, sema alikuwa ananidharau kupita kiasi, mimi sina tabia ya kuongea ongea, ni mvivu sana kusema sema, lakini ilifika kipindi msichana ndio akawa kama mama,

Siku ya siku ilifika nikambananisha sana, nikiwa na Yule nesi jirani yangu, akampima, akakutwa na mimba, tukaanza kumuuliza ni yanani, alikataa kusema, baada ya kuamua kumfukuza ndio akasema ‘’ ntaenda wapi wakati muhusika ni baba’’ nilitaka kurukwa na akili kabisa

Mume wangu nilipomuuliza mara ya kwanza alikataa, nililia sana, nilipombana sana ndio akakubali na kuniomba msamaha,

Kusema kweli niliamua kurudi kwetu rasmi, nikamuelezea mama hali halisi, mama akaniambia nipumzike nyumbani kwanza, maana matatizo yalikuwa yamefuruliza sana,

Lakini nilipigiwa simu na kuambiwa mwanangu amelazwa, anaumwa sana, maana nikitaka kuondoka na watoto ananikatalia, hivyo niliondoka peke yangu, kwa ajili ya mwanangu nilirudi nikafikia kwa Yule nesi, rafiki yangu, nikawa namuuguza mwanangu, sasa kuna siku alinifata usiku yeye na ndugu zake na kunitaka nirudi nyumbani tukayaongee, niliwaheshimu sana, name nilimpigia simu mama yangu, akaja, tukayaongea huku Yule msichana arudishwe kwao, sasa sielewi, kabla yule msichana hajaondoka, tukiwa katika maandalizi ya kumsafirisha, nahisi kuna mchezo ulifanyika, maana baada ya miezi mitatu, Yule binti mimba ilitoka, akuwa anaumwa, nahisi alikunyw vidonge ili itoke, au mume wangu alimshawishi aitoe, kusema kweli niliamua kumrudisha kwao, mume wangu alisemwa sana na ndugu zake, na akaomba msamaha kutorudia,

Nilipoletewa mwingine tena, akamtongoza, huyu wa sasa alikuwa mwaminifu, akaniambia mama, baba kasema nilale nae atakuwa ananipa mshahara mkubwa na kuwajengea nyumba wazazi wangu, nilimsema sana, nilimuuliza mimi tatizo langu ni nini hadi utake kunifanyia wasichana wangu? Kwanini unanidharirisha hivyo? Hakujibu, isipokuwa alimchukia sana Yule binti, na kuna kipindi nilisafiri kikazi nikakuta amemfukuza nyumbani kamleta mdogo wake,

Sasa nahitaji ushauri wenu, niwe nawaweka wazi wasichana ninaowapata juu ya tabia ya mume wangu? Au nitakuwa namdharirisha? Ila hali hii imenifanya nijishushe thamani sana, kwanini asifanye nje huko? Kuna wazuri wangapi hadi ang’ng’ane na wasichana wangu?